| Erica's profile艾力加~PhotosBlogLists |  Tools  Help |
|
艾力加~我說過我要快樂~ August 10 很多的第一次 @ 20090806 & 09 第一次一個人揸車返屋企，半個鐘路因為行錯路，行左一個鐘！ 途中因為轉線慢被搵食車boot爆~ 起碼去多左５個唔同0既地點~ 識多左路～ 哥哥第一次坐我車~ 安然到達目的地～ 同日第一次車朋友返屋企，又學左條路～ 第一次行大欖，比左$30蚊學費～ 學識左係元朗點去荃灣北再返屯門！ 第一次見到係屯門公路揸得慢過60km/hr 0既紅的！好驚～ 想過佢但係冇過到... 佢踏線踏到我架車過唔到！ 報告隊長，我安全返到屋企～  August 09 路 @ 20090807見到一班都有一排冇見過0既朋友~ 上一次見佢地已經係其中2位朋友結為夫婦0既大日子... 上年0既11月~ 而家點？表面上個個都冇穿冇爛～ 有2個朋友就搬屋～ 有位朋友買左新靚車，聽到個名我都好鍾意～ 有位朋友佢冇做自己份工，出左黎開鋪頭～ 有位又好似結左婚～ 其他... 我都冇特別問！以上資料都係談話中聽出來的～ 見完佢地之後，一個人係尖東行到去佐敦坐小巴返屯門～ 有時諗，佢地個個都坐的士... 不如我都跳上去喇！ 但係次次到最後我都冇做到！ 到而家都唔知點解～ 昨日，可能真係少見呢班朋友，所以飲多左都唔知～ 走個時覺得自己醉0左，但仍於自己底線 "識返屋企"！ 係一條忘忘0既路上，一路行一路行～ 我知自己要去邊，但路就好似好遠～ 一時想到好似人生一D我想去0既地方咁... 我知自己要去邊，但係路好似好遠咁... 可能係要唔知幾多年先會去到我想去0既地方～ 不過我會等，等自己行到去想去0既地方～ 希望見到終點前，我仲有力去行呢段路！ July 22 錶 @ 20090722 錶... 真係好耐都冇帶過... 我自己0既錶已經冇電，要去換電就要去CS Centre... 佢個office hour短過我0既office hour... 真係想問一句，有冇咁嘆？ 結果好耐都冇去換電~ 另一隻... 又係冇電... 不過隻錶唔係我0既... 搵埋地址叫人去換都係冇換... 無期~ 仲有隻... 明明係Kinetic唔使電... 唔知做咩佢次次都係帶帶下慢成個鐘... 我比左好多次機會佢... 但都係咁... 我決定打佢入冷宮！ 星期六一個人落住雨~ 走去拎盒半個人咁高0既野... 係迷失於商場搵出口0既時候我見到佢... 可惜我趕時間... 冇帶佢走~ 星期二，我忍唔住去帶左佢返屋企... 雖然都知佢係copy... 不過真係覺得佢唔錯！ 我發現... 我真係好耐冇帶錶... 帶左都仲會拎個電話出黎睇~  不過個個見到都話靚，真係幾開心～ July 15 原來... @ 20090715 時間過得好快... 原來好耐冇寫過Blog... 冇咩動力寫... 自從上年年尾開始... 個人好似咩動力都冇晒咁... 成個人0既反應都好平淡... 好似呢個世界有咩事發生都已經唔重要咁~ 唔知呢d係唔係傳說中0既化景! 除左冇寫blog... 連戲院都好好少入... 以前一個星期點都會入一入戲院... 總之有新戲上, 唔知咩戲都係咁中入去睇~ 而家... 少左一份去睇戲0既衝動... 仲有連報紙雜誌都冇睇... facebook... 係公司睇唔到... 返到屋企先睇... 咩都好似過晒咁~ 人地知0既0野我唔知... 到我知0個時... "好耐喇！" 都睇唔到... 點知呢...? 有冇咩可以搵返d動力...? 可能中個六合彩頭獎/二獎會好有幫助~ January 29 新年 @ 200901今年新年好似特別靜...
少了拜年, 少了些人...
腦入面想到好多好多人...
但係我做到的只是很少很少~
今年我識講的只有「恭喜發財，身體健康！」
請原諒我腦裡面0既一片空白... 及語塞...
希望我0既朋友們都會接受我真心0既祝福！ |
|
||
|
|
